Power Cut ಗ್ಯಾಪಲ್ಲಿ

ಜಂಜಡಗಳ ಮರೆತು ಬೆಳದಿಂಗಳ ಬೆಳಕಲ್ಲಿ ತಾರೆಗಳ ಎಣಿಸಲು Whats App ಎಂಬ ದೂಮಕೇತುವೊಂದು ತಾಲೆ ತಪ್ಪಿಸಿದೆ... 

Emoji'ಸ್ ಗೋಜಲಲ್ಲಿ ಸಿಲುಕಿದ ಮನಸ್ಸೀಗ ಇರುವೆ ಮುತ್ತಿದ ಇದ್ದಿಲ ಪೊಟ್ಟಣ... 

ಚಂದನೆಯ DPಯ ಆಚೆಗಿಹುದು, ಬಯಕೆಗಳ heatಗೆ ಕರಗಿ ಸೊರಗಿದ ಬಣ್ಣವಿಲ್ಲದ ಕಾರಿಡಾರು... 

ಯೋಚಿಸಿ ಕೂತಾಗ  ದೂರದ ಬೀದಿ ದೀಪ ಘಕ್ಕನೇ ಬೆಳಗಲು... ಬೆಸ್ಕಾಂಗೆ ಧನ್ಯವಾದವಿತ್ತು, 
ಭಾವನೆಗಳ ಮೂಟೆ ಕಟ್ಟಿ... TVಯಾಳಕ್ಕಿಳಿಯಲು... ನನ್ನ ನಾ ಮರೆತೇ....       

ಸಂಬಂಧಗಳ ಪರಮಾನಂದ...!

ವಾರಾಂತ್ಯದ ಅಧಿಕ ರಜೆಗೆ ಅವರಿವರ ಪ್ರಭಾವದಿ ದೂರದ ತೀರ್ಥ ಕ್ಷೇತ್ರದ ಶೀಘ್ರ ದರ್ಶನ ಪಡೆದು ಪುನೀತನಾಗಲು ಹಪಹಪಿಸುವ ಭಕ್ತ ಪಾಮರನಿಗೆ ...    

ಸೆಳೆದಿರುವುದೇ ಎಂದಾದರೂ ಲತೆಯಾ ಸೆರಗಳ್ಳಿ ನಗುತ ಅರಳುವ ಕಾನನದ ಪುಷ್ಪ... 

ಖುಶೀಗೆ ಕಾಸೇ ಮೂಲವಯ್ಯಾ ಎಂದು ನಂಬಿದ ಭ್ರಮಾ ಜೀವಿಗೆ ಹೇಗೆ ತಾನೆ ತಿಳಿಯಲಿ... 

ಸುಮದ ಜೊತೆಗೆ ಸುಗಂಧಕ್ಕೆ ಎಡತಾಕುವ ಚಿಟ್ಟೆಗಳ ನಡುವೆ ಬೆಸೆದ ಸಂಬಂಧಗಳ ನಡುವೆ ಒಸರುವ ಆನಂದ... 
ಪರಿಧಿ ಮೀರಿ ಪಸರಿಸೋ ಪರಮಾನಂದ....!

  

ಆದುನಿಕ ಗೀಜಗ

ನಿಂತ ಸಾಗರದ ಮದ್ಯೇ ಚಲಿಸಿದ  ಚಿಲುಮೆಯ ಅಲೆಗಳು!
ಇಳಿಸಂಜೆಯಲಿ ಇಣುಕಿದ ನೇಸರನ ಕಂಡು ಗಾನ ಗುನುಗುತಿರಲು!
ಈ ಅದ್ಬುತ ಇಳೆಯ ಸೌoದರ್ಯಾದ ಸೆರಗನ್ನು ಒಂದಿಂಚೂ ಆಸ್ವಾದಿಸಲಾರದಾದ!
ಗಾಗಲ್ಸ್ ದರಿಸಿ ಗೂಗಲ್ ಪರ್ಯಟನೆಗೆ ಹೊರಟ ಈ ಆದುನಿಕ ಗೀಜಗ...!   

ಬ್ಯಾಂಗಲೋರ್ ಟ್ರಾಫಿಕ್ ರಸಗವಳ

ನೀವು  ಯಾರಾದರೂ ಬೆಂಗಳೂರಿಗರನ್ನು ಬೇಟಿ ಮಾಡಿದರೆ... ಹೆಚ್ಚಿನ  ಸಂದರ್ಬಗಳಲ್ಲಿ ಮೊದಲನೇ ಮಾತು ಬೆಂಗಳೂರಿನ ಟ್ರಾಫಿಕ್ ಬಗೆಗಿನ ಸ್ತುತಿ ಗಾನ ವಾಗಿರುತದೆ... ಇಡಿ ದಿನದ ಬಳಲಿಕೆಗೆ ಬಾಡಿದ body.. ಕೇಳದ ಗಾಡಿ, ಆ  ಮಾಲಿನ್ಯ.. ಕೆಲಸದ ಒತ್ತಡ... ಜೊತೆಗೆ ನೆತ್ತಿ ಸುಡೋ ರಣಬಿಸಿಲು.... ಒಂಥರಾ ಈ ಸ್ವರ್ಗ ನಗರಿಯಾ ನರಕದ ಟ್ರೈಲರ್ ಅನುಬವ... ಅದೇನೇ ಇದ್ದರು... ಹೊಲಸಲ್ಲು ಹಲಸು ಬೆಳೆವಂತೆ... ಈ ತಾಜಾ ಟ್ರಾಫಿಕ್ ಜಾಮ್ ನಲ್ಲೂ ಒಂತರ ಮಜಾವಿರುತ್ತೆ....

C V RAMAN ನಗರದಿಂದ ಜಯನಗರದವರೆಗೂ ಹತ್ತಿರ ಹತ್ತಿರ ದಿನಕ್ಕೆ 35 KM UP & Down... ಮತ್ತೆ ಆಫೀಸ್ ಕೆಲಸದ ನಿಮಿತ್ತ  ಇನ್ನೊಂದಿಸ್ಟು ಸವಾರಿ ಮಾಡೋ ನಾನು ಈ ಟ್ರಾಫಿಕ್ ಆನಂದ ರಸಗವಳವನ್ನು ಎಲ್ಲರ ಮುಂದಿಡಬೇಕಾಗಿದೆ.

ಬೆಂಗಳೂರೀನ ರಿಂಗ್ ರೋಡಲ್ಲಿ... ಅದರಲ್ಲೂ ಬನಶಂಕರಿಯಿಂದ Tinfactory ಮದ್ಯೆ ಸಿಗೋ  BTM, Silkboard, ಮಾರತಹಳ್ಳಿ, ಟಿನ್ ಫ್ಯಾಕ್ಟರಿ ಸಿಗ್ನಲ್ ಗಳ ಅಂದ ಚೆಂದ ಬಣ್ಣಿಸಲು ನಾನೊಬ್ಬನೇ ಸಾಲದು. ಇನ್ನು ಪೀಕ್ ಹವರ್ನಲ್ಲಿ... ವೈಟ್ ಫೀಲ್ಡ್ ಇಂದ ಮೆಜೆಸ್ಟಿಕ್ ತಲುಪೋ ಮೊದಲು E-City ಇಂದ ಚೆನ್ನೈ ತಲುಪಬಹುದು... ಜೊತೆಗೆ ಗೊರಗುಂಟೆ ಪಾಳ್ಯ ಮತ್ತು ಇನ್ನಿತರ ಸಿಟಿ ಒಳಗಿನ ಸಿಗ್ನಲ್ ಗಳನ್ನು ಮರೆತರೆ ಪಾಪ ತಟ್ಟೋದು ಖಂಡಿತ...

ಆದರೂ ಸಿಗ್ನಲ್ ಬಿದ್ದಾಗ  ಸ್ತಬ್ದವಾಗೊ ಆ ಅರ್ಧ ನಿಮಿಷದ ಹಲವಾರು ಸ್ವಾರಸ್ಯಗಳ ಆಗರ. ಹಡೆಯದ ಶಿಶುವ ಹಿಡಿದು ರೂಪಾಯಿ ಬೇಡೋ ಮಹಾ ತಾಯಂದಿರು... 10 ರೂಪಾಯಿ ಕೇಳೋ ಮಾಮನವರು... 100 ರೂಪಾಯಿ  ಕೀಳೋ ಮರ್ಯಾದಸ್ತ ಪೊಲೀಸ್ ಮಾಮಂದಿರ ಜೊತೆಗೆ ಥರಗುಟ್ಟಿಸೊ ಬಾಸುಗಳ ಅರಚಾಟ, ಆಟೋ ಟ್ಯಾಕ್ಸಿ ಡ್ರೈವರ್ ಗಳ ಸಂಸ್ಕೃತ ಪ್ರವಚನ, ಹೆಲ್ಮೆಟ್ ಮಗ್ಗುಲಿಗೇ ಮುತ್ತಿಡೋ ಪ್ರಿಯತಮೆಯರು... ಇವೆಲ್ಲವನ್ನ ಬೆರಗು ಕಣ್ಣಲ್ಲಿ ನೋಡಿ ಆನಂದಿಸೋ ನಮ್ಮಂತಹ ಚಿಂತೆ ಇಲ್ಲದ ಸಂತರು.... ಒಟ್ಟಿನಲ್ಲಿ ಇದು ನಿಜಕ್ಕೊ ಒಂಥರ ಕೆಸರಲ್ಲಿ ಕಮಲ ಕಂಡಂತೆ.  

ಏನೇ ಆಗಲಿ... ನನ್ನಂತವರಿಗೆ ತಲೆ  ಬುಡ ಇಲ್ಲದ ಯೋಚನೆ  ಮಾಡೋಕ್ಕೆ...  ಇಂತಹ ಡಬ್ಬಾ  ಲೇಖನಕ್ಕೆ ಲೇಖನಿ ಹಿಡಿಯಲು  ಒಂದು  ಉತ್ತಮ ವಿಷಯವಾಗಿದು ಮಾತ್ರ ಅರೆ ನಗ್ನ ಸತ್ಯ. ಭವ್ಯ ಬೆಂಗಳೂರಿನ  ಟ್ರಾಫಿಕ್  ಮಾತ್ರ ನಿಮ್ಮ ಸಮಯವನ್ನು ಕಸಿಯೋದಲ್ಲ... ಅದರ ಬಗೆಗಿನ ಇಂತಹ ಬರಹಗಳು ಕೂಡ ನಿಮ್ಮ ಅಮೂಲ್ಯ ಸಮಯವನ್ನು ವ್ಯರ್ಥ ಗೊಳಿಸುತಿರೋದು ಮಾತ್ರ ಕುಚೋದ್ಯವೇ   ಸರಿ.  So stop here... take a shortcut.. n avoid SIGNAL... 

Orange Enterprises lengthy Advt jingle....

ನಮ್ಮ  ಕನಸಿನ ಕೂಸು ಆರೆಂಜ್ ಎಂಟರ್ಪ್ರೈಸಸ್ ನ ಕುಕ್ಕೆ ಸುಬ್ರಹ್ಮಣ್ಯದ ಆಫೀಸ್ ನ ಪ್ರಾರಂಬೋಸ್ತವದ ಜಾಹಿರಾತಿಗೆ ಲೇಖನಿ ಹಿಡಿದಾಗ....

''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''
ಅಬ್ಬಾ.... ಭರದಿಂದ ಬೆಳೆದ ನಗರಗಳ ಬವಣೆಗಳು ಹೇಳ ತೀರದಾಗಿದೆ... 
ಹೆಚ್ಚುತಿರುವ ಹೊಗೆಯ ಕಾರ್ಮೋಡ ದಿನೇ ದಿನೇ ದಿಗಿಲುಗೊಲಿಸುತಿದೆ... 
ಏರುತಿರುವ ತಾಪಮಾನದ ತಾಪತ್ರಯಗಳು ಥರಗುಟ್ಟಿಸುತಿವೆ... 
ವಿದ್ಯುತ್ತಿನ ಕ್ಷಾಮ ನಮ್ಮೆಲ್ಲರ ಕ್ಷೇಮವನ್ನೇ  ಕಿತ್ತು ತಿನ್ನುತಿದೆ... 
ಏರುತಿರುವ ಪ್ರಕೃತಿ ವಿಕೋಪಗಳು ಮನುಕುಲವ ವಿನಾಶಕ್ಕೆ ದೂಡುತಿವೆ... 
 ಆದರೇ ಇದಕ್ಕೆಲ್ಲಾ ಪರಿಹಾರ.....???

ಇದೆ ರಶ್ಮಿ... ಸೂರ್ಯರಶ್ಮಿ... !!!

ಸೌರ ಶಕ್ತಿ... ಬವಿಷ್ಯದ ಶಕ್ತಿ... 

ಮಾತ್ರವಲ್ಲ ನಮ್ಮೆಲ್ಲರ ಬವಿಷ್ಯ ಕೂಡ.... !

ನಾವು ನಿಜವಾಗಲು ಅದೃಷ್ಟವಂತರು.... ಇನ್ನೂ ಅಳಿದುಳಿದ ಕಾಡಂಚಿನ ಸೆರಗಿನಲ್ಲಿ ಕಂಗೊಳಿಸುತಿರುವ ಹಸುಗೂಸುಗಳು ನಾವು... 
ಎಚ್ಚರಿಕೆ ಈ ಹಸಿರು ಉಳಿದರಸ್ಟೇ ನಮ್ಮ ಉಸಿರಿಗೊಂದು ಬೆಲೆ... 

ಆರೆಂಜ್ ಎಂಟರ್ಪ್ರೈಸಸ್.... ಗ್ರಾಮೀಣ ಬಾಗದಲ್ಲೊಂದು ಬೆಳಕಿನ ಆಶಾಕಿರಣ...!

ಜಗತ್ತಿನ ಅತ್ಯುತ್ತಮ ಸೋಲಾರ್ ತಂತ್ರ ಜ್ಞಾನವನ್ನು  ಜನಸಾಮನ್ಯನ ಮನೆ ಬಾಗಿಲಿಗೆ ಒಯ್ಯುತಿರುವ    ಆರೆಂಜ್ ಎಂಟರ್ಪ್ರೈಸಸ್   ಅದ್ಬುತ ಜನ ಮನ್ನಣೆಯ ಜೊತೆಗೆ... ತನ್ನ ಉತ್ಕ್ರುಷ್ಟ  ಉತ್ಪನ್ನ  ಮತ್ತು ಸೇವೆಯ ಮೂಲಕ ಪ್ರಕರವಾಗಿ ಕಂಗೊಲಿಸುತಿದೆ.... 
ಹಸಿರ ಸೇರಗಲೊಂದು ಬೆಳಕಿನ ಕ್ರಾಂತಿಗೆ ಮುನ್ನುಡಿ ಬರೆದಿದೆ.... 

ಸೌರದೀಪ... ಸೌರ ಉತ್ಪನ್ನ... ವಾಟರ್ ಹೀಟರ್ ಗಳ ಜೊತೆಗೆ... ಜಾಗತಿಕ ಗುಣಮಟ್ಟದ  ಯುಪಿಎಸ್/ ಇನ್ವರ್ಟರ್ ಗಳ ವಿಶಾಲ ಶ್ರೇಣಿ ಒಂದೇ ಸೂರಿನಡಿಯಲ್ಲಿ... 

ಉತ್ಕ್ರುಷ್ಟ   ಗುಣಮಟ್ಟದ ಸೋಲಾರ್ ಪಂಪ್ ಸೆಟ್ ಮೂಲಕ ರೈತಾಪಿ ಬಂದುಗಳ ಕಣ್ಮಣಿಯಾದ  ಆರೆಂಜ್ ಎಂಟರ್ಪ್ರೈಸಸ್... ಇದೀಗ home automation ಮೂಲಕ smart ಮನೆಗಳಲ್ಲಿ ಸ್ಮಾರ್ಟ್ ಮನಗಳನ್ನೂ ಅರಳಿಸುತ...... CC ಕ್ಯಾಮೆರಾಗಳ ಅದ್ಬುತ ಬಂಡಾರದೊಂದಿಗೆ ಸರ್ವರ ಕಣ್ಣಿನೊಳಗೊಂದು ಕಣ್ಣಾಗಿದೆ....    

ನಿಮ್ಮದೇ ಆದ ಆರೆಂಜ್ ಎಂಟರ್ಪ್ರೈಸಸ್ ಇದೀಗ ಸುಬ್ರಹ್ಮಣ್ಯದಲ್ಲಿ... 

ಬಸ್ ನಿಲ್ದಾಣದ ಹತ್ತಿರ... ಪೋಸ್ಟ್ ಆಫೀಸ್ ಎದುರುಗಡೆ... ಆರೆಂಜ್ ಎಂಟರ್ಪ್ರೈಸಸ್.  '

''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''

ಇಪ್ಪತೈದರ ಇರುವೇ ಕಡಿತ

ಅವತ್ತು ತಡ ರಾತ್ರಿ ಅದ್ಯಾವುದೊ ಬುಕ್ ಓದ್ತ  ಕುಂತಿದ್ದೆ. Whatsapp ನ ಅನಾಮಿಕ ನಂಬರೊಂದು ನನ್ನ ಹುಟ್ಟುಹಬ್ಬದ ಶುಬಾಶಯ ಹೊತ್ತು ತಂದಿತ್ತು. ತಡವಾಗಿದ್ದಕ್ಕೆ ಕ್ಷಮೆ ಕೋರಿಕೆಯು ಜೊತೆಗಿತ್ತು. ನನ್ನ ಬರ್ತ್ ಡೇ ಕಳೆದು ಅದಾಗಲೇ ಎರಡು ದಿನವಾಗಿತ್ತು. ಸಮಯ ದಂಡಿ ಯಗಿದ್ದುದರಿಂದ... ಓದ್ತಾ ಇದ್ದ Mario Puzo ನ The Godfather ಬದಿಗಿಟ್ಟು ಹಂಗೇ ಯೋಚನಾ ಸಂತೆಗೆ ಜಾರಿದೆ.

ಅದು ನನ್ನ ಇಪ್ಪತೈದನೇ ವರ್ಷದ ಜನುಮ ದಿನವಾಗಿತ್ತು. ಎರಡು ಮೂರು ವರ್ಷ ಗಳ ಹಿಂದೆ ಕಾಲೇಜ್ ಜೀವನದಲ್ಲಿ ಕನಸಿನಂತೆ ಕಳೆಗಟ್ಟು ತಿದ್ದ ಈ ದಿನಾ ಇಪ್ಪತೈದನೆ ವರ್ಷಕ್ಕೆ ಬನದಾಗ ಸಪ್ಪೆ ಸಪ್ಪೆಯಾಗಿ ಫ್ಲೈಟ್ ಲ್ಲಿ ಸಿಗೋ onboard ಟೀ ಅಂತಾಗಿತ್ತು. ಹಿಂದೆ ಸುಳ್ಯ ದಲ್ಲಿದ್ದಾಗ ಹಿಂಡು ಸ್ನೇಹಿತರ ದಂಡಿನೊಡನೆ ಉನ್ಮಾದರಾಗಿ  ಆಚರಿಸುತ್ತಿದ್ದ ಬರ್ತ್ ಡೇ  ಈ ಸಾರಿ ಚೆನ್ನೈ ನ ಹೊರವಲಯದ ಫ್ಯಾಕ್ಟರಿ ಒಂದರಲ್ಲಿ  ಕಸ್ಟಮರ್ ಆಫೀಸ್ ನಲ್ಲಿ ಆತನನ್ನು ಸಂಬಾಲಿಸೋದರಲ್ಲಿ ಕಳೆದೊಗಿತ್ತು. ಇಡಿ ದಿನದ ಎಡೆ ಬಿಡದ ಕಾರ್ಯ ಮುಗಿಸಿ ಟ್ಯಾಕ್ಸಿ ಏರಿ ಮೊಬೈಲ್ ನೋಡಿದಾಗ  ಎಲ್ಲರ ತರಹೇವಾರಿ ಶುಭಾಶಯ ನೋಡಿ ಒಳಗೊಳಗೇ ನಸು ನಕ್ಕಿದ್ದೆ. ಇದು ನನ್ನ ಕಥೆ ಮಾತ್ರವಲ್ಲ... ರಜತ ಮಹೋತ್ಸವ ಆಚರಿಸುತಿರುವ ಎಲ್ಲ ಹುಡುಗರ... ಬಹುಶ ಯುವಕರ ಮಾತ್ರ ಕಥೆಯಿದು. 

ನಮ್ಮ ಓರಗೆಯ ಕೆಲವು ಹುಡುಗಿರೆಲ್ಲಾ ಒಂದು ಹಡೆದು ಇನ್ನೊಂದರ ನಿರೀಕ್ಷೆಯಲ್ಲಿದ್ದರೆ ಹಲವರು ಕತ್ತು ಬಾಗಿಸಿ ಗಂಟು ಹಾಕಿಸಿಕೊಳ್ಲೊ ತವಕದಿ ತೇಲ್ತಾ ಇದ್ದಾರೆ. ನಾವು ಮಾತ್ರ ಇರೋ ಕಡೆ ಇರುವೆ ಕಡಿತ ಅಂತ ಇರದ ಸ್ವರ್ಗ ಅರಸೋ ಅಬ್ಬೇಪಾರಿಗಳು. ಅಂಬೇಗಾಲಿಡೋ ಇಂಜಿನಿಯರ್ಗಳಾದ ನಾವು ದುಡ್ಡಿರೋ ದೊಡ್ಡಪ್ಪಗಳಿಗೆ ಕಮ್ಮಿ ದುಡಿಯೋರಾದ್ರೆ... ಕಮ್ಮಿ ಇರೋ ಚಿಕ್ಕಪ್ಪಾನವರಿಗೆ ಜಾಸ್ತಿ ದುಡಿಮೆಯೋರು. ಕುಟುಂಬ ವರ್ಗಕಂತೂ ಸರ್ಕಾರಿ ಕೆಲಸಕ್ಕೆ ಸೇರದ ನತದೃಸ್ಟರು ನಾವು.  ಕಾಲೇಜು ಹುಡುಗಿರೆಲ್ಲ ನಮ್ಮಲ್ಲಿ ಸಹೋದರತೆಯನ್ನು ಕಂಡರೆ... ಪ್ರೈಮರಿ, highschool ಮಕ್ಕಳಿಗೆಲ್ಲ ನಾವು ಅಂಕಲ್ ಗಲಾಗಿದ್ದೇವೆ. ಈಗ ತಾನೇ ಸಂಸಾರದ ಕೆಸರಲ್ಲಿ ಸಿಳುಕಿರೋ ಸ್ನೇಹಿತರಿಗೆ ನಾವು ಸುಖ ಪುರುಷರಂತೆ ಕಂಡುಬಂದರೆ ... 35-45 ಗಳಿಗೆ ನಾವೇನು ಅರಿಯದ ಹುಡುಗರು. 50ರ ಮೇಲಿನವರಿಗೆ  ನಾವಿನ್ನು ಮಕ್ಕಳು.

ಅಬ್ಬರದ ಕನಸಿನ ದಿಬ್ಬಣ ದೊಂದಿಗೆ ಕಾಲೇಜ್ ಇಂದ ಹೊರಬಂದ ನಮಗೆ ವಾಸ್ತವ ಬಹಳ ಬೇಗ ಅರ್ಥ ವಾಗತೊಡಗಿದೆ. ನಮ್ಮ ಚರ್ಚೆಗಳಲ್ಲೀಗ ಕ್ರೀಡೆ , ಸಿನಿಮಾ, ಹುಡುಗಿ, ಬೆಡಗಿನಾಚೆ ಸಾಮಾಜಿಕ ಚಿಂತನೆಗಳು ಜಾಗ ಪಡೆದಿವೆ. ಅರ್ನಬ್ ಗೊಸಾಮಿಯ news hour ಕೂಡ ಇಷ್ಟ ವಾಗತೊಡಗಿದೆ... ಕಾಸು ಕೂಡಿದೋ ಗಂಬೀರ ಯೋಚನೆ ಬಂದರೂ ಕುಡಿಕೆ ಮಾತ್ರ ಖಾಲಿಯಾಗೆ ಉಳಿದಿದೆ. ಸ್ವಂತ ಉದ್ಯಮದ ಕನಸುಗಳು ಗರಿಗೆದರಿ ಪ್ರಯತ್ನಕ್ಕೂ ದೂಡುತಿವೆ. ಕೆಲವೊಂದು ಜವಾಬ್ದಾರಿ ಗಳು ಬೇಡ ಬೇಡವೆಂದರೂ ಹೆಗಲೆರುತಿವೆ. ಆಫೀಸ್ ಕಾರ್ಯಗಳು ನಮ್ಮನ್ನು ಅಗತ್ಯಕಿಂತ ಜಾಸ್ತಿ ಮಾಗಿಸುತಿವೆ. ಬಹುಶ ಮೆದುಳು ತನ್ನ RAM ನ್ನು ಗರಿಷ್ಟ ಮಟ್ಟದಲ್ಲಿ ಉಪಯೋಗಿಸತೊಡಗಿದೆ   ಅಂತ ಅನಿಸತೊಡಗಿದೆ. 

ಅದಾಗ್ಯೂ ಜಗತ್ತಿನಲಿ ಒಬ್ಬ ವ್ಯಕ್ತಿಗೆ ಸ್ವಾತಂತ್ರ್ಯ... ಅದರಲ್ಲೂ ಆರ್ಥಿಕ ಸ್ವಾವಲಂಬನೆ ನೀಡೋ ಸಂತೋಷ ಬಹುಶ ಬೇರೆ ಯಾವುದೇ ಅರ್ಥದಲ್ಲಿ ಸಿಗಲಾರದೇನೋ. study days ಲ್ಲಿ ಬಿದಿಕಾಸಿಗೂ ಮನೆಯಲ್ಲಿ ಅಂಗಲಾಚುತಿದ್ದ ನಮಗೇ ಸ್ವಂತ ದುಡಿಮೆ ಕೈ ಬಿಸಿಯೇರಿಸ ತೊಡಗಿದಾಗ ಪಂಜರವಿಲ್ಲದ ಜಂಗಮರಾದೆವು ನಾವು. ಆ ಗೋಲ್ಡನ್ ಡೇಸ್ ಇವತ್ತಿರದಿರಬಹುದು... ಆದರೇ ಹೆಚ್ಚಿನವರೆಲ್ಲ ಬೆಂಗಳೂರಲ್ಲೇ  ಇರೋದ್ರಿಂದ.. ವೀಕೆಂಡ್ಸ್ ಸೇರೋ ಕೂಡು ಕೂಟಗಳು.. ಬೈಕ್ ರೈಡ್ ಗಳು.. ಜೊತೆ ಸೇರಿಸೋ ಟ್ರಿಪ್ ಗಳು.. ಎಲ್ಲರೂ ಸೇರೋ ಇತರೆ ಸಂದರ್ಬಗಳಲ್ಲಿ  ನಿಜ ವಾಗ್ಳು ಆ ದಿನಗಳನ್ನು ಮೆಲೈಸುತದೆ. ಜೊತೆಗೆ ವಾಟ್ಸಪ್, ಫೇಸ್ಬುಕ್ ಗಳು ಎಂದೆಂದಿಗೂ ಎಲ್ಲರನ್ನು ಜೋತೆಯಾಗಿರಿಸಿವೆ. 

ಕನಸೆಂಬ  ಕುದುರೆ  ಏರಿ ಸ್ವರ್ಗ ಸದೃಶ ಊರಿಂದ ನರಕದಂತ ನಗರಕ್ಕೆ ಸೇರೊ ನಾವು... ಅಲ್ಲೂ ಸ್ವರ್ಗವಾಸಿಗಳು. ಉತ್ಕಟ ಸ್ವಾತಂತ್ರ್ಯ... ಗೆಳೆಯರ  ಬಳಗ... ಉದ್ಯೋಗ... ಸಂಪರ್ಕ... ಸವಲತ್ತು... ಹೀಗೆ ಬಯಸಿದ ಬಹಳಷ್ಟು ದೊರೆತಿರುವಾಗ... ಬಹುಶ  ನಮ್ಮ ಜೀವನದ  ಸುಂದರ ದಿನಗಳ ಉಚ್ರಾಯ ಸ್ತಿತಿ ಇರಬಹುದೇನೋ ಅಂದುಕೊಳ್ಳುತಲೇ.... ಯೋಚನಾ ಲಹರಿಯಿಂದ ಹೊರಬಂದು ಅದನ್ನು ಅಕ್ಷರ ರೂಪಕಿಳಿಸಿದಾಗ ಮದ್ಯ ರಾತ್ರಿ 2:30 ಆಗಿತ್ತು. ಇದು ನನ್ನೊಬ್ಬನ ಕಥೆ ಯಾಗಿರದೇ 25ರ  ಆಸುಪಾಸಿನ ನಮ್ಮೆಲ್ಲರ ಕಥೆ-ವ್ಯಥೆ ಯಾಗಿತ್ತು.   

ಫೇಸ್ಬುಕ್ ಎಂಬ ಬಚ್ಚಲಲ್ಲಿ ಬೆತ್ತಲಾಗುತ್ತ....!

ಜಗತ್ತನ್ನು ಹಿಡಿಯಾಗಿಸಿದ ತಂತ್ರಾಂಶಗಳ ಸಾಲಲ್ಲಿ ಮೊದಲ ಪಂಕ್ತಿ ಸಾಮಾಜಿಕ ಜಾಲ ತಾಣಗಳದ್ದು . ಅವರೊಳಗಿನ ಸಾಮ್ರಟನೆ ಈ ಫೇಸ್ಬುಕ್ ... ತರ್ಜುಮೆ ಗೊಂಡ ಮುಖ ಪುಸ್ತಕ. ಅರ್ಥಾತ್...  ಆದುನಿಕ ಜಾತಕ... ಸ್ನೇಹಿತರ ತಾಣ.. ನಮ್ಮನ್ನ ನಾವು ಮಾರಿಕೋಳ್ಳೊ ಮಾರುಕಟ್ಟೆ.. ವೇದನೆ ನಿವೇದನೆಗಳೀಗೊಂದು ವೇದಿಕೆ.. ಇನ್ನು ಏನೇನೋ.. ಒಟ್ಟಿನಲ್ಲಿ ಇದಿಲ್ಲದ ಬದುಕಿನ ಕಲ್ಪನೇನೆ ಒಂದು ಊಹಿಸಲಸಾದ್ಯ ನಿರ್ವಾತ. 

ಹಂಗಂತ ನಾನೇನು ಹುಟ್ಟುತ್ತಲೇ ಪ್ರೊಫೈಲ್ ಕ್ರಿಯೇಟ್ ಮಾಡ್ಕೊಂಡು ಬಿದ್ದವನಲ್ಲ . ಪೀಯುಸೀ ನಲ್ಲಿ ನೋಟ್ ಬುಕ್ ಹಿಡೀವಾಗ್ಲು ಫೇಸ್ಬುಕ್ ನಂಗೆ ಪರಿಚಯವಿಲ್ಲದ ಅಪರಿಚಿತ. ಕಾಲೇಜ್ಗೆ ಅಡಿಯಿಡುತಿದ್ದಂತೆ  ಹೊಸ ಹುಡುಗೀರ ಜೋತೆಗೆ ನಮ್ಮನ್ನು ತೀರಾ ಸೆಳೆದ ಇನ್ನೊಂದು ವಿಷಯವೆಂದರೆ ಇಂತಹ ಸೋಶಿಯಲ್ ನೆಟ್ವರ್ಕ್ಸ್.  ನಮ್ಮಲ್ಲಿ ಹಲವು ಜನರ ಡೆಬ್ಯೂ ಆಗಿದ್ದು ಆರ್ಕುಟಲ್ಲಿ... ಅದೂ ಹ್ರಿತಿಕ್ ರೋಶನ್ ಪ್ರೊಫೈಲ್ ಪಿಕ್ ಮೂಲಕವೆ. VGA  ಕ್ಯಾಮೆರಾದಲ್ಲಿ ತೆಗಿತಿದ್ದ ನಮ್ಮ ಫೋಟೋಗಳು ನಮ್ಗೆ ನೋಡೋಕಾಗ್ತಿರ್ಲಿಲ್ಲ. ಹಾಗಾಗಿ ಲಾಬ ಹೃತಿಕ್ ಗೆ (ಸೆಲ್ಫಿ ಜಮಾನದಲ್ಲಿ ನಮ್ಮ ಪ್ರೊಫೈಲ್ ನೋಡಿದ್ರೆ ಸ್ವತಃ ಬಾಲಿವುಡ್ ಮಂದಿಯೇ ಬೆರಗಾಗ್ತಾರೆ ಬಿಡಿ).   ಕೆಲವೇ ದಿನಗಳಲ್ಲಿ ಸುನಾಮಿಯಂತೆ ಬಂದೆರಗಿದ ಜುಕರ್ ಬರ್ಗ್ ನ ಫೇಸ್ಬುಕ್ ಎಂಬ ಬ್ರಹ್ಮಾಸ್ತ್ರ ಆರ್ಕುಟ್ ನ ಬುಡವನ್ನೇ ಅಲ್ಲಾಡಿಸಿ ಬಿಡ್ತು. ಕಳೆದ ವರ್ಷ ಆರ್ಕುಟ್ ತನ್ನ ಬಾಗಿಲು ಮುಚ್ಚಿದಾಗ ನಮ್ಮ ಪುರಾತನ ಫೋಟೋ ಗಳನ್ನು ನೋಡುತ್ತಾ ಕಾಲ ಹಿಂದೆ ಸರಿದಂತಾಗಿ ಬಾವುಕ ಶ್ರದ್ದಾಂಜಲಿ ಅರ್ಪಿಸಿದೆವು. ಆ ಮೂಲಕ ಫೇಸ್ಬುಕ್ ಗೆ ಕಂಪ್ಲೀಟ್ ಶರಣಾದೆವು. 

ಇವತ್ತಂತೂ ಫೇಸ್ಬುಕ್  ನಮ್ಮ ಜೀವನದ ಅವಿಬಾಜ್ಯ ಭಾಗವಾಗಿದೆ. ಯಾರೂ ಮೂಸದ ನಮ್ಮ ಕತೆ, ಕವಿತೆ, ಪ್ರತಿಬೆ ಗಳಿಗೆ ಪುಕ್ಕಟೆ ವೇದಿಕೆ ಯಾದರೆ... ತೆರೆಮರೆಯ ಸಾಹಸವ ಜಗಕ್ಕೆ ತಿಳಿಸುವ ಡಿಜಿಟಲ್ ಹೋರ್ಡಿಂಗ್ ಇದು. ಆಫೀಸ್ಗೆ ಬಂದ  ಹೊಸ ಹುಡುಗಿಯ ಇತಿಹಾಸ ತಿಳಿಯಲು ಇದು ಕೈಪಿಡಿ ಯಾದರೆ ಮದುವೆ ಪ್ರೊಪೋಸಲ್ ತರೋ ಹುಡುಗನ ಜನ್ಮ ಕುಂಡಲಿ ಇದು. ಕ್ಯಾಮೆರಾ ಹಿಡಿದ ಮಂಗಗಳನೆಲ್ಲ ಛಾಯಾಗ್ರಹಕ ರನ್ನಾಗಿಸಿದರೆ...  ಗಾಗಲ್ ದರಿಸಿದ ದರಿದ್ರರನ್ನೆಲ್ಲ ಸ್ಟಾರ್ ಮಾಡಿದ ಮಾಯಾವಿ ಜಾಲವಿದು. ಎಲ್ಲವನ್ನೂ... ಎಲ್ಲರನ್ನೂ... ತೆರೆದಿಡುತ್ತಾ ಉಟ್ಟ ಬಟ್ಟೆಯಲ್ಲೇ ಬೆತ್ತಲಾಗಿಸಿದ  ಅಗೋಚರ  ಬಚ್ಚಲು ಮನೆಯಿದು. 

ಅದಾಗ್ಯೂ ಯುವ ಜನತೆಯ ನರ ನಾಡಿಯಾಗಿರುವ ಈ ಸಾಮಾಜಿಕ ತಾಣ ಗಳು ಈ ಶತಮಾನ ದಲಿ ಸಾಮಾನ್ಯನಿಗೆ ಸಿಕ್ಕ ಬಹುದೊಡ್ಡ ಅಸ್ತ್ರ ಎಂಬುದರಲ್ಲಿ ಎರಡು ಮಾತಿಲ್ಲ . ತನ್ನ ಮೂಗಿನ ನೇರಕ್ಕೆ ಯೋಚಿಸಿ ಸೊಂಟದ ಕೆಳಕ್ಕೆ ಕಾರ್ಯ ನಿರ್ವಹಿಸೋ ಸಾಂಪ್ರದಾಯಿಕ ಮೀಡಿಯಾಕ್ಕೆ ಟಾಂಗ್ ಕೊಡಬಹುದಾದ ಆಮ್ ಆದ್ಮಿ ಮಾದ್ಯಮ ಇದು.   ಆಳೋ ದೊರೆಗಳಿಗೆ ಜನ ಮಾನಸದ ಸಿಟ್ಟು ಸೆಡವು ಗಳನ್ನು ತಲುಪಿಸೋ ಸಾದನ ಇದು. ವ್ಯವಸ್ತೆ ಯೆಡೆಗೆ ಜನಸಾಮಾನ್ಯ ನಿಗಿರೋ ರೇಜಿಗೆ ಯನ್ನ ದಾಖಲಿಸೋ ಪಲಕವಿದು. 

ಕವಿಯೊಬ್ಬ ತನ್ನ ಕವಿತೆ ಬರೆದರೇ .. ಕಂಪನಿಯೊಂದು ತನ್ನ ಸರಕನ್ನಿಟ್ಟಿರುತ್ತೆ  ಇಲ್ಲಿ. ನಾಯಕ ನೊಬ್ಬ ತನ್ನ ಕನಸನ್ನ ಹಂಚಿದರೆ .. ಸಂಘಟನೆ ಯೊಂದು ತನ್ನ ಸಿದ್ದಾಂತವನ್ನ ಹರಿಯಬಿಡುತ್ತದೆ. 

ಯಾರೂ.. ಯಾವುದಕ್ಕೂ.. ಯಾವಾಗಲೂ ಬಳಸಬಹುದಾದ ನವ ಮದ್ಯಮವೇ ಈ ನಮ್ಮ ಫೇಸ್ಬುಕ್. ಯಾರೇ ಆದರೂ ಇದರ ಧನಾತ್ಮಕ ಅಂಶಗಳನ್ನು ಮಾತ್ರ ಪರಿಗಣಿಸಿ ಉಪಯೋಗಿಸಿರೆಂದು ಮನದುಂಬಿ ಆಶಿಸುತ್ತಾ... ಈ ಲೇಖನದ ಸ್ನ್ಯಾಪ್ ತೆಗ್ದು ಫೇಸ್ಬುಕ್ ಗೆ ಪೋಸ್ಟ್ ಮಾಡಿ ಲೈಕ್ ಪಡೆಯೋ ಕಾತರದಿ... ಈ ಅಗೋಚರ ಬಚ್ಚಲಲ್ಲಿ ನಾನೂ ಅರಿಯದೇ ಬೆತ್ತಲಾದೆ...!

   ಇಂತಿ... 
ರೋಶನ್ ಚಾರ್ಮತ

ಬಾವನೆಗಳ Outsourcing : ಕಾದಿರುವೆನು.... ಕಾತರದಿ ... !

ತರುಣೀ .... ಕಳೆದು ಹೊಗಿರುವೆನು ನಾನು....!

ನಿನ್ನ ಕಣ್ಣ ನೋಟದ... ನಾಟ್ಯದಲಿ..!

ಮುಂಗುರುಳ... ಮಾಧುರ್ಯದಲಿ..!

ಕೇಶರಾಶಿಯ... ಕಸುವಿನಲಿ..!

ಮಧುರ ಮಾತಿನ... ಸೋಗಡಿನಲಿ..!

ಮೂರು ಮತ್ತೊಂದು ಅಡಿಯ... ಸೌಂದರ್ಯದಲಿ..!

ಹೇಳಿಬಿಡು.... ಇದು  ಪ್ರೀತಿಯ ... !!!

ಪರಿಶುದ್ದ  ಸ್ನೇಹವೇ... !!!

ಕಾದಿರುವೆನು.... ಕಾತರದಿ ... !

Feelings Outsourcing :#2

ಓ .... ಚಿನ್ನಾ... 

ಪುಟಿದೆಳುತಿದೆ... ಮೈ ಮನ...  ನಿನ್ನ ನೆನೆದಾಗ ... 
ತೋಚದಾಗಿದೆ... ಯಾಕೆಂದು... 
ಪವಡಿಸುತಿವೆ... ಪಾದಗಳು.. ನಿನ್ನ ಹೆಜ್ಜೆಗೆ ದನಿಯಾಗಳು ... 
ತಿಳಿಯದಾಗಿದೆ... ಯಾಕೆಂದು... 
ಮರುಳಾಗಿರುವೆ... ನಿನ್ನ  ಅರಲು ಮಾತಿಗೆ... 
ಯೋಚಿಸಿರುವೆ... ಯಾಕೆಂದು... 
ಬಯತಿರುವೆನು... ಜಗದ ಖುಷಿಯೆಲ್ಲ ನಿನಗೀಯಲು .. 
ಯಾಚಿಸಿರುವೆ... ಯಾಕೆಂದು... 

ಹವನಿಸುತಿರುವೆನು ಕಾತರದಿ......!
ಹೇಳಿಬಿಡು... ಇದು ಪ್ರೀತಿಯ.. ಬರಿ ಸ್ನೇಹಾನ!!!

Feelings Outsourcing :#1

ಸ್ನೇಹಿತರ ಬಾವನೆಗಳಿಗೆ ದರ್ಪಣವಾಗಿ  ....  ಅವರ ಪ್ರೇಮಕ್ಕೆ  ನನ್ನ ಪೆನ್ನು ದ್ವನಿಯಾದಾಗ ... 

ಹವನಿಸುತಿದೆ ಹಣತೆ.... ಹಂಬಲದಿಂದ... 
ನಿನ್ನ ಗುಳಿ ಕೆನ್ನೆಯ... ತಾಕಳು... 
ಮಿಡಿಯುತಿದೆ ಮನಸ್ಸು...  ಮಾದುರ್ಯದಿಂದ... 
ನಿನ್ನ ಮುಂಗುರುಳ... ಮುತ್ತಿಡಲು... 

ಆರಡಿ ಶಿಲೆಯಲ್ಲ... ಆವರಣದ ಕಲೆಯಲ್ಲ... 
ಆವರಿಸಿದೆ ಎಲ್ಲೆಲ್ಲೂ... ಕಾಡಿದೆ ಕನಸಲ್ಲೂ... 

ಬೆಳದಿಂಗಳಿಗೂ ಬೆರಗು... ಮೇಘಗಡನಕ್ಕೂ ಮುನಿಸು... 
ಮಾತಿನ ಮಲ್ಹಾರಕ್ಕೆ... ನಿನ್ನ  ಸ್ಥಿಗ್ದ ಸೌಂದರ್ಯಕ್ಕೆ...!
  

Happy Friendship Day

ರಕ್ತಹಂಚಿ... ಜನಿಸಲಿಲ್ಲ ನಾವು... 

ಕೂಳುಹಂಚಿ.. ಬೆಳೆಯಲು ಇಲ್ಲ... 

ಆದರೂ ಜೊತೆಗಾರರು ನಾವೆಲ್ಲ.. 

ಒಂದೇ ನೌಕೆಯ ನಾವಿಕರಾಗಿ.. 

ಬಾಳ ದಾರಿಯ ಪಯಣಿಗರಾಗಿ.. 

ಕಷ್ಟ-ನಷ್ಟಗಳಿಗೆ.... ಸಮಸ್ಯೆ-ಸರಮಾಲೆಗಳಿಗೆ... 

ಉಗಮವು ನಾವೇ... ಸುಗಮವು ನಾವೇ... 

ಆಪ್ತರಾಗಿ, ಸಹೋದರರಾಗಿ, ಪೋಷಕರಾಗಿ, ಹಿತೈಷಿಗಳಾಗಿ.... 

ನಲಿದೆವು ನಾವು... ಸಂಬ್ರಮಿಸುವೆವು ನಾವು... 

ಅಂದು ಇಂದು ಎಂದೆಂದಿಗೂ.... !

Corporate Naavika

ಭುವನ ಸುತ್ತಿ... ಭಾವನೆ ಸತ್ತು... ಒಸರುತ್ತಿದೆ ಏಕಾಂತ....
ಗಣಿತ .. ಗಣಕ.. glamour ಎಂಬ .. ಗಂಧ ವಿಲ್ಲದ ಬದುಕು...
ಕೊನೆಗೊಮ್ಮೆ ಬೆದರಿ ಬೆವರಿ ಗೋಗರೆದ.. google ಎದುರು..
ನೆಂಟರಲ್ಲದ Net ಗರಿಂದ...  ನೆಪಮಾತ್ರದ ಸಾಂತ್ವನ ...
ನಿನ್ನೆ ನಾಳೆಗಳೆರಡು ಒಂದಾಗಿ  ... ಇಂದು ಮುಂದುವರಿಯಾದಾದಗ ...
ಗುಟುಕು ನೀರಿಗೆ ಪರಿತಪಿಸೋ... ನಡುಗಡಲ ನಾವಿಕನೀತ...!  

Doodh Sagar: ಸೌಮ್ಯವಾದಿಯ ರುದ್ರನರ್ತನ

          ಅಗಾದತೆ  , ಬವ್ಯತೆ , ಬೀಕರ ಇವು ಪಶ್ಚಿಮ  ಘಟ್ಟಗಳ ಸಾಮಾನ್ಯ ವಿಶೇಶತೆ. ಇವಿಸ್ಟೆ  ಅಲ್ಲ ಈ  ನಿಗೂದ  ಕಾನನ ಸೃಷ್ಟಿಯಲ್ಲಿ  ಸೃಷ್ಟಿಕರ್ಥ ಇನ್ನಷ್ಟು  ಕುಂಚ ತೋಯ್ಧಿದಾನೆ.... ಅಂತಹ dynamic ವರ್ಣ ಚಿತ್ರವೇ DOODHSAGAR.

          ನೇಸರನಿನ್ನು ಹಾಜರಿ ಹಾಕದ ಇಳಿ ಮುಂಜಾನೆ, ಮಳೆ ಮಿಶ್ರಿತ ಕುಳಿರ್ಗಾಳಿ ಯಲ್ಲಿ ಹಿಪ್ಪಿ ಗಳಂತೆ ರೈಲ್ವೆ ಹಳಿಯಲಿಯಲ್ಲಿ ತಿರುಕರಂತೆ ಆ  ಸೌಮ್ಯವಾದಿಯ ದರ್ಶನಕ್ಕೆ ಹೊರಟ್ಟಿತ್ತು  ನಮ್ಮ ತಂಡ. ದಿಗಂತದೆತ್ತರದಿಂದ ದುಮ್ಮಿಕ್ಕುವ ಅಗಾದ ಜಲರಾಶಿ. ಅರ್ಭಟ ತಾಳಲಾರದೆ ಉಂಟಾದ ದಟ್ಟ ಮಂಜು, ಕಣ್ಣು ಹಾಯಿಸಿದಸ್ಟು ಕಾಣುವ ದಟ್ಟ ಅಡವಿ , ಕಾರ್ಗಲ್ಲು ನೀರು ಸರಸಕ್ಕೆ ತಲೆಧೂಗೋ ಮರಗಿಡ ಬಳ್ಳಿಯ ತಾನನ, ಗಜ ಗಾಂಬಿರ್ಯ ದಿಂದ ಘೀಲಿಡುತ್ತಾ ಸಾಗೊ ಗೂಡ್ಸ್ ರೈಲುಗಳು. ಇವೆಲ್ಲದರ ಮದ್ಯೆ ನಮ್ಮನ್ನು ಆವರಿಸಿದ  ಅವರ್ಣನೀಯ ಅದ್ಬುತ ರೋಮಾಂಚನ. "ಸ್ವರ್ಗಕ್ಕೆ ಕಿಚ್ಚು ಹಚ್ಚೆಂದ, ಮಂಕುತಿಮ್ಮ "    ಎಂಬ ಉಕ್ತಿಯನ್ನು ನೆನಪಿಸಿತ್ತು. ಮಂಜಿನ  ಮಧ್ಯದಿಂದ ಹರಿಯುತಿಹ ಬೆಲ್ನೋರೆಯ ಮಾದರಿ ಜಲಸಾಗರ 'ದೋಧ್ ಸಾಗರ' ಎಂಬ ಅನ್ವರ್ಥ ನಾಮವನ್ನು ಸಾರ್ಥಕ ಗೊಳಿಸಿತ್ತು. 

         ಕರ್ನಾಟಕ-ಗೋವಾ ಗಡಿ ಬಾಗದಲ್ಲಿ ಬರುವ ಈ ಜಲಪಾತ ಮಳೆಕಾಡುಗಳಲ್ಲಿ ನಿಜವಾಗಲು ನೋಡಲೇ ಬೇಕಾದ ಸ್ಥಳ ಗಳಲ್ಲೊಂದು. ಬಾರತದ ೫ನೇ  ಅತಿ ಎತ್ತರದ ಜಲದಾರೆ ಗಳಲ್ಲೊಂದು ಎಂಬ  ಹಿರಿಮೆಗೂ  ಪಾತ್ರವಾಗಿದೆ ಇದು. ಇದರ  ಮದ್ಯೆ ನಿರ್ಮಿಸಿರುವ ರೈಲ್ವೆ  ಬ್ರಿಜ್ ನಮ್ಮ  ಇಂಜಿನಿಯರಿಂಗ್ ಕೌಶಲ್ಯಕ್ಕೆ  ಹಿಡಿದ  ಕೈಗನ್ನಡಿ. ಸದಾ  ಮೋಡಗಳಿಂದ ಅವೃತ್ತ ವಾದ  ಬೆಟ್ಟಗಳ  ತುದಿಯಿಂದ ದುಮ್ಮಿಕ್ಕುವ  ಈ  ಜಲಪಾತ ನಿಜವಾಗಲೂ ಕ್ಷೀರ ಸಾಗರವನ್ನು ನೆನಪಿಸುತ್ತದೆ. 

        ಇದು  ಎಷ್ಟು  ಇಷ್ಟ ವಾಗುತದೋ ಅಸ್ತೆ ಕಷ್ಟ  ಇಲ್ಲಿಗೆ ತೆರಳಲು ಪಡಬೇಕಾಗುತ್ತದೆ. ಇಲ್ಲಿ  ರೈಲ್ವೆ ಸಂಪರ್ಕ ಬಿಟ್ಟರೆ ಬೇರೆ ಯಾವುದೇ ಸಂಪರ್ಕಗಳಿಲ್ಲ ಹುಬ್ಬಳ್ಳಿ ಕಡೆಯಿಂದ  ಹೋದಾಗ  ಹಿಂದೆ ಸಿಗುವ ೧೪ ಕಿಮೀ ದೂರದ ಕಾಸಲ್ ರಾಕ್  ರೈಲ್ವೆ  ಸ್ಟೇಷನ್  ನಿಂದ ನಡೆಯಬೇಕಾಗುತ್ತದೆ. ಇಲ್ಲ  ನಂತರ ಸಿಗೋ ಸದರನ ಅಸ್ಟೆ  ದೂರದಲ್ಲಿರೋ ಕುಲೆಮ್ ಅನ್ನೋ ಸ್ಟೇಷನ್ ನಿಂದ  ಬರಬೇಕಾಗುತ್ತದೆ. ದೂದಸಾಗರ್  ಪಕ್ಕದಲ್ಲೇ ಅದೇ ಹೆಸರಿನ ನಿಲ್ದಾಣವಿದೆ ಆದರೆ  ಅಲ್ಲಿ  ಯಾವುದೇ ಅದಿಕೃತ ನಿಲುಗಡೆ  ಇರುವುದಿಲ್ಲ. ತಾಂತ್ರಿಕ  ಕಾರಣಗಳಿಗಾಗಿ ರೈಲ್  ಗಳು ಇಲ್ಲಿ ಕೇವಲ ೧ ನಿಮಿಷಗಳ ಕಾಲ ನಿಲುಗಡೆ ಗೊಲ್ಲುತವೆ ಆ  ಸಮಯದಲ್ಲಿ ಜಿಗಿದು ಕೊಂಡರೆ ೧೪ ಕಿಮೀ ಪಾದಸೇವೆ ಯನ್ನು ತಪ್ಪಿಸಬಹುದು. ಲಕ್ ಚೆನ್ನಾಗಿದ್ದರ ಹಿಂತಿರುಗುವಾಗ ಅಲ್ಲಿನ ಸ್ಟೇಷನ್ ಮಾಸ್ಟರ್ ಸಹಾಯದಿಂದ ಗೂಡ್ಸ್ ಗಾಡಿಯನ್ನು ಏರಬಹುದು.

  ಒಟ್ಟಿನಲ್ಲಿ ಅಗಾದ ವನರಾಶಿಯ ಮದ್ಯದಲ್ಲಿ , ಬೃಹತ್ ಜಲರಾಶಿಯ ಹಿನ್ನಲೆ ಯಲ್ಲಿ, ಕಣ್ಣು ಮುಚ್ಚಿಸೋ ಜಡಿಮಳೆಯಲ್ಲಿ , ನೀವು ನಡೆದರೂ ಓಡಿದರೊ  ಆಗದೆ  ರೈಲೆರಿದರೂ ಸದಾ  ಚಿತ್ತದಿ ಚಿತ್ರಿತ ವಾಗಿದೆ  ಆ   ಬ್ರಹ್ಮನ  ಅದ್ಬುತ  ಕುಂಚ.  ಮನಕೆ  ಮುತ್ತಿಕ್ಕುತದೆ ಕ್ರ್ಷೀರ ಸಾಗರದ ಮಂಜಿನ  ಸಿಂಚನ . 

   

Fake smile

  Yeah……up course… itz fake. Fake smile. But you know it’s necessary. You might have faced such situations no. of times. Because much of the smiles do not come from heart they are all just face masks.

     

That situations may be your boss cracking  PJ, victory of opponent, meeting with a strange person, talking with a senior guest   @home, talking with somebody from whom we are expecting help, watching jism2 trailer with family…….etc.… etc…. there are many… up course hand shaking with a  X-gal friend is a better example.

     

 Its all glimpse of situations where we through a smile…which is not genuine. But whatever… fake or Jake…. Keeeeeeep smiling.  Simply it looks good. 

ಸಾರ್ಥಕತೆ

ಒಂದೊಮ್ಮೆ ನಾನು ಮರುಜನ್ಮ ಪಡೆಯಲು...

ನೀಳ ಕೊಳದಲ್ಲಿ ನಳನಳಿಸುವ ನೈದಿಲೆಯ ದಳವಾಗುವೆ ನಾನು

ಬಳಲಿ ಬಂದ ಮರಿದುಂಬಿ ನನ್ನ ಕೊಮಲತೆಯಿಂದ ಸಂತೃಪ್ತಿಯ  ಜೇಂಕಾರ ಮೊಳಗಿಸಲು

ಎನ್ನ ಜನ್ಮ ಸಾರ್ಥಕಗೊಳ್ಳುವುದು.... ಸಂತೃಪ್ತಿಯಲ್ಲಿ !!!

ಒಂದೊಮ್ಮೆ ನಾನು ಮರುಹುಟ್ಟು  ಪಡೆಯಲು...

ಮಳೆ ಕಾಡಿನ ದಟ್ಟ ಕಾನನದ ಹೆಮ್ಮರವಾಗುವೇ ನಾನು

ಎನ್ನ ಪೊಟರೆಯಲ್ಲಿ ಜನ್ಮ ತಳೆದ ಪುಟ್ಟ ಮರಿಗುಬ್ಬಿ ಚಿಲಿಪಿಲಿಗುಟ್ಟಳು

ಎನ್ನ ಜನ್ಮ ಸಾರ್ಥಕಗೊಳ್ಳುವುದು.... ಸಂತೋಷದಲ್ಲಿ  !!!

ಒಂದೊಮ್ಮೆ ನಾನು ಹಿಂತಿರುಗಿ ಬರಲು...

ನಮ್ರ ಲೇಖಕನ ವಿನಮ್ರ ಲೇಖನಕ್ಕೆ ಲೇಖನಿಯಾಗುವೆ  ನಾನು 

ಬರಹದಿಂದ ಚಿಲುಮೆಯಾದ  ಚಂಚಲ  ಮನಸ್ಸು ಆನಂದದಿ  ನಲಿಯಲು 

ಎನ್ನ ಜನ್ಮ ಸಾರ್ಥಕಗೊಳ್ಳುವುದು.... ಅತ್ಯಾನಂದದಲ್ಲಿ  !!!

 ಒಂದೊಮ್ಮೆನಾನು  ಈ ಜನ್ಮವ ಮೀಟಳು...

ಮುಗ್ದ ಸ್ನೇಹದಾಹಿಯ ಪಾಲಿಗೆ ರಸಬರಿತ ಖನಿಯಾಗುವೆ ನಾನು 

ಖುಷಿಯಿಂದ ಮುಗುಳ್ನಕ್ಕ ಆತನ ಮನದ ಮೂಲೆಯಲ್ಲಿ ನನ್ನ ನೆನಪೊಂದು ಅಚ್ಚೊತ್ತಳು 

ಜನ್ಮ ಸಾರ್ಥಕವಾಗುವುದು ಎನ್ನ... ಸ್ತಿಗ್ದ ಸ್ನೇಹದಲ್ಲಿ  !!!

Dark night fantasy

Shit…. No more free messages. It already counted 100. Its early morning 3.30 AM & I just cursed TRAI. Slowly banquet covered my face.

Spicy thoughts begin to whirl.

µc, µp, c, matlab were looks like toxic syringes.  Pointer points but OOPs still says oooooops. It never stick to my cerebellum.

Wills smith murmur how to pursuit happiness, Simran says 'varanam ayiram',  Rajesh kanna whispers “Mere sapnon ki rani kab aayegi tu…….  Aayi rut mastaani kab aayegi tu……….”.

Suddenly her curly hair on forehead leads my flash back. It remembers twilight saga.

I waked my already slept PC.  She was not there in FB chat box. Unknowingly I dialed her number.  My bad luck she was busy talking with someone at this 3.45 AM. My laptop already went to deep sleep even though my tears wetting its keyboard.

I was sure this dream would be a best PJ matter.  Hope you don’t understand anything. Don’t even try that.

I will try to convince else I will confuse.

This is nothing but Dark night fantasy.

ಬದುಕುವ ಕಲೆ

 ಇದಪ್ಪಾ... ನೋಡಿ ಮುತ್ತಿನ ಮಾತಿನಿಂದ ತುತ್ತಿನ ಚೀಲ ತುಂಬಿಸಿಕೊಳ್ಳುವ ಕರಾಮತ್ತು . ಇತ್ತೀಚೆಗೆ ನಾನು ಮೈಸೂರಿಂದ  ಸುಳ್ಯ ಕಡೆಗೆ ಸಾಗುತಿದ್ದಾಗ ಮಡಿಕೇರಿಯಲ್ಲಿ ಬಸ್ ಬದಲಿಸುವ ಸಂದರ್ಬ . ಬೋರ್ಡ್  ಓದಿದ ನಂತರವೂ ಪಕ್ಕದ ತಾತನಲ್ಲಿ confirmation test ಮಾಡಿದ ಪಲ ಇದು .ಗ್ರೀನ್ ಸಿಗ್ನಲ್  ಕೊಟ್ಟ ಅಜ್ಜ ನನ್ನ ಪಕ್ಕಕೆ ಕರೆದು ಶುರುವಿಟ್ಟು ಕೊಂಡ ನೋಡಿ ವರಾತ. ಯಾವುದೇ corporate trainer ನ್ನು  ಮೀರಿಸುವ ರೀತಿ ಮಾತಾಡಿದ ತಾತ ನಾನೊಬ್ಬ ಪದವೀದರ  ನಿರುದ್ಯೋಗಿ ಇಂಜಿನಿಯರ್ ಎಂಬುದನ್ನು ತಿಳಿಯುತ್ತಲೇ ಕನ್ನಡ ದಿಂದ ಇಂಗ್ಲೀಷ್ಗೆ ತನ್ನ ಪ್ರವಾರ ವನ್ನು ಶಿಫ್ಟ್ ಮಾಡಿದ .ತನ್ನ ಜೀವನದ ವೈಬೋಗ , ಸಾದನೆ , ಸಾಹಸಗಳನ್ನೂ ಸಂಕ್ಷಿಪ್ತ ವಾಗಿ ತೆರೆದಿಟ್ಟು , ದುರಂತ ಕಥೆಯನ್ನೂ ಎಳೆ ಎಳೆಯಾಗಿ ಬಿಚ್ಚಿಟ್ಟ . ನಾನು ಸುಬ್ರಹ್ಮಣ್ಯದವನು ಎಂದು ತಿಳಿಯುತ್ತಲೇ ಸುಬ್ರಹ್ಮಣ್ಯ ದರ್ಮಸ್ಥಳದ ಗುಣಗಾನ ನಡೆಯಿತು. ಜೊತೇಗೆ ನನಗೆ ಕೆಲಸ ಕೊಡಿಸುವ ಹೆಚ್ಚುವರಿ ಜವಾದ್ಬರಿ ಯನ್ನು ಆ ಸುಬ್ರಹ್ಮಣ್ಯ ಮತ್ತು ಮಂಜುನಾಥನಿಗೆ ಹೊರಿಸಲಾಯಿತು. 

 ಕೊನೆಗೆ  'Loveless life is like a  gas less soda' ಎಂಬ ಮಾರ್ಮಿಕ ಉಪಾಂತ್ಯ ಕೂಡ ಕೊಡಲಾಯಿತು . ತದನಂತರ ಈ ನುಡಿಯನ್ನು ನಿರೂಪಿಸಲು ನನ್ನಲ್ಲಿ 50ರೂ demand ಮಾಡಲಾಯ್ತು . ಅದಕ್ಕೆ ಬೇಕಾಗಿ  ಆತನ ಹಳೆಯ    ಮಾತ್ರೆಯ raper ಗಳೆಲ್ಲವೂ ಸಾಕ್ಷಿ ನುಡಿಯಬೇಕಾಯ್ತು. ಕಡೆಗೆ ಚೌಕಾಶಿಯ ನಂತರ ಆತನ ಮಾತಿನ  ಮೋಡಿಗೆ ನಾನು ತೆತ್ತಿದು ನನ್ನ ಅಪ್ಪನ  30ರೊ. ಇಸ್ಟೆಲ್ಲಾ ರಾಮಾಯಣ ನಡೆದದ್ದು ಕೇವಲ 7 ನಿಮಿಷದಲ್ಲಿ. ಅಷ್ಟರಲ್ಲಿ ನನ್ನ ಬಸ್ ಹೊರಟಿತ್ತು. ಹಿಂತಿರುಗಿ ನೋಡಿದಾಗ ಇನ್ನೊಬ್ಬ ಮಿಕ ಮನ ಮಿಡಿಯುತಿದ್ದ . ಮುತ್ತಿನ ಮಾತು ತುತ್ತು ಹೊರೆಯುತಿತ್ತು...!!! 

"Surprises & Sudden happenings adds spiciness to our life. These things just converts plain rice life to pride rice". Think & feel the change. When we expect the result, we will be happy if we get it. But if we don't expect we will be excited when we achieve it.